ताज्या घडामोडी

पिंपरी,  पिंपरी चिंचवड महानगरपालिकेच्या कासारवाडी येथील औद्योगिक प्रशिक्षण संस्था (महिला) या संस्थेत ऑगस्ट २०२६ प्रवेश सत्राकरिता प्रवेश प्रक्रिया सुरू झाली आहे. संस्थेतील सर्व प्रवेशित जागांवर शासन नियमावली व आरक्षणानुसार कॅप राऊंड प्रणालीद्वारे प्रवेश देण्यात येणार आहेत, अशी माहिती संस्थेचे प्राचार्य शशिकांत पाटील यांनी दिली आहे.   कासारवाडी येथील औद्योगिक प्रशिक्षण संस्थेत कॉम्प्युटर ऑपरेटर अँड प्रोग्रामिंग असिस्टंट, डी.टी.पी., कॉस्मेटोलॉजी, फॅशन डिझायनिंग अँन्ड टेक्नॉलॉजी, हॉस्पिटल हाऊसकीपिंग हे प्रत्येकी एक वर्ष कालावधीचे अभ्यासक्रम चालविले जातात. या अभ्यासक्रमांना प्रवेश घेण्यासाठी किमान शैक्षणिक अर्हता दहावी उत्तीर्ण एवढी आहे. तर संस्थेच्या वतीने इलेक्ट्रॉनिक्स मेकॅनिक हा दोन वर्ष कालावधीचा अभ्यासक्रम चालविला जात असून यासाठी किमान शैक्षणिक अर्हता दहावी उत्तीर्ण आहे. या सर्व अभ्यासक्रमांच्या मिळून एकूण १४० जागा उपलब्ध असून विद्यार्थिनींना प्रवेश प्रक्रियेत सहभागी होण्यासाठी ऑनलाइन अर्ज भरण्याची सुविधा संस्थेमध्ये निःशुल्क उपलब्ध करून देण्यात आली आहे. याशिवाय येथे रोजगारक्षम तसेच स्वयंरोजगाराच्या अनेक संधीही उपलब्ध आहेत.   या प्रवेश प्रक्रियेबाबत सविस्तर माहिती https://admission.dvet.gov.in या संकेतस्थळावर उपलब्ध असून विद्यार्थिनींनी अधिक माहितीसाठी या संकेतस्थळाला भेट द्यावी, असे आवाहन संस्थेच्या वतीने करण्यात आले आहे. प्रवेशाची वैशिष्ट्ये  • पिंपरी चिंचवड महापालिका हद्दीतील रहिवासी उमेदवारांना वार्षिक प्रशिक्षण शुल्क १ हजार ५०० रुपये व अनामत रक्कम ६०० रुपये आकारण्यात येईल. • पिंपरी चिंचवड महापालिका हद्दीबाहेरील रहिवासी उमेदवारांना वार्षिक प्रशिक्षण शुल्क ३ हजार रुपये व अनामत रक्कम ६०० रुपये आकारण्यात येईल. • महापालिका धोरणानुसार प्रवेशित विद्यार्थिनींना प्रत्येक महिन्याला ५०० रुपये इतके विद्यावेतन देण्यात येईल. • विविध आस्थापनांमध्ये ऑन-द-जॉब ट्रेनिंग उपलब्ध करून देण्यात येते. • संस्थेमध्ये प्लेसमेंट सेल उपलब्ध आहे. महिला सक्षमीकरणासाठी कौशल्याधारित शिक्षण अत्यंत महत्त्वाचे आहे. पिंपरी चिंचवड महानगरपालिकेच्या महिला औद्योगिक प्रशिक्षण संस्थेमार्फत विद्यार्थिनींना रोजगाराभिमुख प्रशिक्षणाची संधी उपलब्ध होत आहे. अधिकाधिक विद्यार्थिनींनी या प्रवेश प्रक्रियेत सहभागी होऊन आपल्या करिअरला नवी दिशा द्यावी.   डॉ.विजय सूर्यवंशी, आयुक्त, पिंपरी चिंचवड महानगरपालिका  औद्योगिक प्रशिक्षण संस्थेत…

पिंपरी   माध्यमिक विभागाचे शिक्षणाधिकारी भाऊसाहेब कारेकर यांनी जानेवारी २०२४ ते अजातगायत  प्रशासकीय  कामकाजात अनेक  गंभीर अनियमितता केली आहे. यामुळे कारेकर यांची तत्काळ बदली  करावी. अशी तक्रार मागणी  शिक्षक सेनेचे प्रदेश…

पिंपरी   कलेक्टिव्ह गुड फौंडेशन व मिटकॉन फोरम फॉर सोशल डेव्हलपमेंट यांच्या संयुक्त विद्यमाने कॅम्प एज्युकेशन सोसायटी (निगडी) येथे मोफत अँडव्हान्स इलेक्ट्रिक व्हेइकल सर्विस टेक्निशियन कोर्स सुरू होत आहे. पेट्रोल व…