पुणे:- स्वच्छतोत्सव २०२५ (१७ सप्टेंबर ते ०२ ऑक्टोंबर) निमित्ताने पुणे महानगरपालिकेच्या मुळा-मुठा नदी प्रदूषण नियंत्रण (PARMM) प्रकल्पांतर्गत बोपोडी आरोग्य कोठी ते महादेव घाट नदीपात्र या परिसरात श्रमदानातून स्वच्छता अभियान राबविण्यात आला आणि पथनाट्य, गाणी या माध्यमातून विद्यार्थ्यांसोबत जनजागृती करण्यात आली.
या कार्यक्रमासाठी राष्ट्रीय नदी संवर्धन संचालनालयाकडून जॉईंट सेक्रेटरी श्री.करण सिंग शास्त्रज्ञ श्री.अंजनी प्रसाद सिंग, सहाय्यक विभाग ऑफिसर श्री. वसीम अहमद आणि.पुणे महापालिकेचे अतिरिक्त आयुक्त श्री.पृथ्वीराज बी.पी. (आय.ए.एस.), प्रकल्प व्यवस्थापक व मुख्य अभियंता श्री.जगदीश खानोरे,श्री कैलास काराळे श्री.भूषण सोनवणे.व NJS -FP कडून श्री.सुयोग साळुंखे हे मान्यवर उपस्थित होते.
यावेळी शेल्टर असोसिएट्सच्या सहाय्यक कार्यकारी संचालक सौ. धनश्री गुरव, प्रकल्प व्यवस्थापक डॉ. नीलिमा गावडे, टीम लीडर सौ. सुबोधिनी कांबळे ,श्री.राहुल राठोड आणि इकोसन फाउंडेशनचे टीम लीडर श्री.अजय रामाणे व प्रतिनिधी तसेच औंध-बाणेर विभागाचे सहाय्यक आयुक्त गिरीश दापकेकर, वरिष्ठ आरोग्य निरीक्षक विजय भोईर, आरोग्य निरीक्षक विनायक चोपडे, मुकादम संतोष शेलार, सफाई कर्मचारी यांनी उत्साहाने सहभाग घेतला.
स्वच्छता उपक्रमासोबतच आकांक्षा फाउंडेशन व स्व. अनंतराव पवार मेमोरियल इंग्लिश मिडियम स्कूलच्या विद्यार्थ्यांसाठी जनजागृती कार्यक्रम आयोजित करण्यात आला. विद्यार्थ्यांनी स्वच्छता कर्मचाऱ्यांशी संवाद साधला, कचरा वर्गीकरणावर आधारित खेळ खेळले आणि विजेत्यांना बक्षिसे देण्यात आली. यावेळी सौ. धनश्री गुरव यांनी विद्यार्थ्यांना जागतिक स्वच्छता दिनाचे महत्त्व पटवून दिले.
विद्यार्थी, शिक्षक, पालक, स्थानिक नागरिक आणि महापालिकेचे कर्मचारी यांच्या सक्रिय सहभागामुळे उपक्रम उत्साहात पार पडला. हा संपूर्ण कार्यक्रम पुणे महानगरपालिका मलनिःसारण विभाग आणि NJS-FP सल्लागार संस्था यांच्या मार्गदर्शनाखाली यशस्वीरीत्या पार पडला.