पिंपरी-चिंचवड साहित्यरत्न, लोकशाहीर डॉ.  अण्णाभाऊ साठे यांच्या जयंतीनिमित्त त्यांच्या समतावादी, परिवर्तनवादी व लोकजागृतीच्या विचारांचा व्यापक प्रसार व्हावा, तसेच युवकांमध्ये आरोग्य, सामाजिक बांधिलकी व राष्ट्रीय एकात्मतेची भावना दृढ व्हावी, याच उद्देशाने …

पिंपरी पुणे व पिंपरी चिंचवड शहरांमधील वाढत्या वाहतूक गरजा लक्षात घेऊन एचसीएमटीआर (हाय कॅपेसिटी मास ट्रान्सिट रूट)  आणि ई-आरटीएस (इलेक्ट्रिक रॅपिड ट्रान्सिट सिस्टीम) या महत्त्वाकांक्षी सार्वजनिक वाहतूक प्रकल्पाच्या अंमलबजावणीला गती …

पिंपरी “पिंपरी-चिंचवडच्या विकासाचा वेग लक्षात घेता मेट्रोचे नियोजन केवळ आजच्या गरजांसाठी नव्हे, तर पुढील अनेक दशकांचा विचार करून करण्यात यावे. नागरिकांच्या हिताचा, सर्वसमावेशक आणि भविष्योन्मुख मेट्रो प्रकल्प साकारण्यासाठी प्रस्तावित मेट्रो मार्गांच्या डीपीआरमध्ये आवश्यक सुधारणा करण्यात याव्यात,” असे निर्देश महापौर रवि लांडगे यांनी महामेट्रोला दिले.     महापौर रवि लांडगे यांच्या उपस्थितीत झालेल्या बैठकीस महामेट्रोचे व्यवस्थापकीय संचालक श्रावण हर्डीकर, खासदार श्रीरंग बारणे, आमदार उमा खापरे,महेश लांडगे,शंकर जगताप, उपमहापौर शर्मिला बाबर,स्थायी समिती सभापती अभिषेक बारणे, सत्तारूढ पक्षनेते प्रशांत शितोळे, विरोधी पक्षनेते भाऊसाहेब भोईर, शिवसेना गटनेते विश्वजीत बारणे, रिपब्लिकन पार्टीचे खुणाल वाव्हळकर, शहर अभियंता मनोज सेठीया, अतिरिक्त आयुक्त तृप्ती सांडभोर,जनता संपर्क अधिकारी प्रफुल्ल पुराणिक तसेच महामेट्रो आणि महापालिकेचे संबंधित अधिकारी उपस्थित होते.        बैठकीत महामेट्रोचे व्यवस्थापकीय संचालक श्रावण हर्डीकर यांनी संगणकीय प्रणालीद्वारे प्रस्तावित मेट्रो विस्ताराचे सादरीकरण केले. महामेट्रोकडून  मेट्रो मार्गांच्या सविस्तर प्रकल्प अहवालाचे (DPR) सादर करण्यात आला. प्रस्तावित मार्ग, त्यांची व्यवहार्यता, प्रवासी क्षमता, भविष्यातील विस्तार, विविध सार्वजनिक वाहतूक व्यवस्थांशी समन्वय तसेच शहराच्या विकास आराखड्याशी सुसंगत नियोजन याबाबत सविस्तर माहिती देण्यात आली.      यावेळी शहरातील नव्याने विकसित होत असलेले निवासी परिसर, औद्योगिक वसाहती, आयटी पार्क, शैक्षणिक संस्था, व्यापारी केंद्रे तसेच प्रमुख वाहतूक मार्गांना मेट्रो नेटवर्कशी प्रभावीपणे जोडण्याची आवश्यकता अधोरेखित करण्यात आली. भविष्यातील लोकसंख्या वाढ आणि शहराच्या विस्तारणाऱ्या सीमांचा विचार करून डीपीआरमध्ये आवश्यक त्या सुधारणा करण्याबाबत मान्यवरांकडून सूचना करण्यात आल्या.     मेट्रो स्थानकांपर्यंत नागरिकांना सहज पोहोचता यावे, यासाठी बस सेवा, पार्किंग, मल्टी-मोडल कनेक्टिव्हिटी, पादचारी मार्ग, सायकल ट्रॅक आणि ‘लास्ट माईल कनेक्टिव्हिटी’ यांचा प्रभावी समावेश असावा, अशी अपेक्षा मान्यवरांकडून व्यक्त करण्यात आली. तसेच मेट्रो प्रकल्पामुळे शहरातील वाहतूक कोंडी कमी होण्यास, प्रदूषणावर नियंत्रण मिळण्यास, औद्योगिक आणि आयटी क्षेत्राच्या वाढीस चालना मिळण्यास तसेच नागरिकांच्या दैनंदिन प्रवासात मोठी सुलभता निर्माण होणार असल्याचे बैठकीत नमूद करण्यात आले.   यावेळी महापौर रवि लांडगे म्हणाले, “पिंपरी-चिंचवड हे देशातील झपाट्याने विकसित होणाऱ्या शहरांपैकी एक आहे. आगामी काळातील लोकसंख्या, औद्योगिक आणि आयटी क्षेत्राचा विस्तार तसेच नागरिकांच्या वाढत्या प्रवासाच्या गरजा लक्षात घेऊन मेट्रो प्रकल्पाचे नियोजन करण्यात यावे. आजच्या गरजांसोबतच पुढील अनेक दशकांचा विचार करून तयार होणारे मेट्रो नेटवर्क शहराच्या विकासाला नवी दिशा देईल. त्यामुळे डीपीआरमध्ये आवश्यक त्या सुधारणा करून नागरिकांच्या हिताचा, सर्वसमावेशक आणि भविष्योन्मुख मेट्रो प्रकल्प साकारावा.” 

पिंपरी   थेरगाव येथील श्री दत्तनागरी सहकारी पतसंस्था आणि शिवसेना गटनेते विश्वजीत श्रीरंग बारणे यांच्या वतीने  दहावी व बारावी २०२६  मध्ये माध्यमिक उच्चमाध्यमिक परीक्षेत उत्तीर्ण झालेल्या ५००  विद्यार्थ्यांचा गौरव करण्यात आला. …