पिंपरी
पिंपरी-चिंचवड महानगरपालिकेतील विविध विभागांमध्ये मोठ्या प्रमाणावर अधिकारी व कर्मचारी सेवानिवृत्त होत असल्याने निर्माण झालेल्या रिक्त पदांचा प्रश्न गंभीर बनला आहे. या पार्श्वभूमीवर महापौर रवि लांडगे यांनी रिक्त पदे तातडीने भरण्याबाबत प्रशासनाला निर्देश दिले आहेत.
महापौरांनी नमूद केले की, शहराच्या वाढत्या लोकसंख्येच्या तुलनेत प्रशासनिक यंत्रणा सक्षम राहणे अत्यावश्यक आहे. सध्या अनेक विभागांमध्ये मनुष्यबळ अपुरे असल्याने नागरिकांना दिल्या जाणाऱ्या सेवांवर परिणाम होण्याची शक्यता आहे. त्यामुळे सर्व विभागांनी विद्यमान तसेच आगामी काळात रिक्त होणाऱ्या पदांची माहिती तात्काळ सादर करावी, असे निर्देश देण्यात आले आहेत.
तसेच, आवश्यक त्या पदांसाठी शासनाकडे प्रस्ताव सादर करून भरती प्रक्रिया गतीमान करण्यावरही भर देण्यात आला आहे. मा. महापौर कार्यालयामार्फत या प्रक्रियेचा नियमित पाठपुरावा करण्यात येणार आहे.
“शहराचा झपाट्याने होत असलेला विकास आणि वाढती लोकसंख्या लक्षात घेता सक्षम प्रशासन ही काळाची गरज आहे. रिक्त पदांमुळे नागरिक सेवेत कोणताही अडथळा निर्माण होऊ नये, यासाठी आवश्यक त्या सर्व पदांची भरती तातडीने करण्यात यावी. तसेच या प्रक्रियेत कोणताही विलंब न होता शासनाकडे प्रस्ताव सादर करून मंजुरी मिळवावी, यावर महापालिकेने प्राधान्याने कार्यवाही करावी.”
महापौर रवि लांडगे
