मुंबई
Toyota Kirloskar Motor (टीकेएम) ला कॉर्पोरेट सामाजिक जबाबदारी (CSR) क्षेत्रातील सातत्यपूर्ण कार्याबद्दल प्रतिष्ठेचा गोल्डन पीकॉक अवॉर्ड 2025 (GPACSR) प्रदान करण्यात आला आहे. पर्यावरण संरक्षण, समुदाय विकास आणि सर्वसमावेशक प्रगतीसाठी केलेल्या प्रयत्नांची दखल घेत हा सन्मान देण्यात आला.
इन्स्टिट्यूट ऑफ डायरेक्टर्सतर्फे स्थापन करण्यात आलेले गोल्डन पीकॉक पुरस्कार कॉर्पोरेट सामाजिक जबाबदारी, मानव संसाधन उत्कृष्टता आणि अभिनव व्यवस्थापन पद्धतींमधील उत्कृष्टतेची दखल घेतात. हा पुरस्कार Charlie Jeffery, कुलगुरू व अध्यक्ष, University of York (यूके) यांच्या हस्ते Hotel Taj Lands End येथे आयोजित 20 व्या आंतरराष्ट्रीय कॉर्पोरेट सामाजिक जबाबदारी परिषदेत प्रदान करण्यात आला.
हा पुरस्कार स्वीकारताना टीकेएमचे कंट्री हेड आणि कॉर्पोरेट अफेयर्स अँड गव्हर्नन्सचे एक्झिक्युटिव्ह व्हाइस प्रेसिडेंट Vikram Gulati म्हणाले,
“मोजता येणाऱ्या परिणामांसह शाश्वत आणि अर्थपूर्ण CSR उपक्रमांसाठी गोल्डन पीकॉक पुरस्कार मिळणे ही आमच्यासाठी अभिमानाची बाब आहे. सामाजिक जबाबदारीबद्दलची बांधिलकी आमच्या कॉर्पोरेट तत्त्वज्ञानाचा अविभाज्य भाग आहे आणि समुदाय उपक्रमांच्या रचना व अंमलबजावणीला दिशा देते. सर्वसमावेशक विकास, पर्यावरण संरक्षण आणि जबाबदार व्यावसायिक पद्धतींसाठी आमचे प्रयत्न ठोस मूल्य निर्माण करत आहेत आणि ‘Creating Mass Happiness for All’ या टोयोटाच्या तत्त्वज्ञानाला बळकटी देत आहेत.”
पुरस्कार निवड समितीचे अध्यक्ष माजी सरन्यायाधीश Uday U. Lalit यांच्या नेतृत्वाखाली मान्यवर सदस्यांनी अंतिम निवड केली. 2025 साठी सार्वजनिक, खाजगी आणि सरकारी क्षेत्रातील तसेच मोठ्या उद्योगसमूहांपासून लघु व मध्यम उद्योगांपर्यंत विविध संस्थांकडून अर्ज मागविण्यात आले होते. यावर्षी विविध श्रेणींमध्ये 447 हून अधिक अर्ज प्राप्त झाले. तीन-स्तरीय कठोर मूल्यांकन प्रक्रियेनंतर विविध क्षेत्रांतील 157 अर्ज अंतिम फेरीसाठी निवडले गेले.
2001 पासून टीकेएम शिक्षण, पर्यावरण, रस्ते सुरक्षा, कौशल्य विकास, आरोग्य व स्वच्छता आणि आपत्ती व्यवस्थापन या क्षेत्रांत समुदाय उन्नतीसाठी कार्यरत आहे. स्थानिक गरजा ओळखून राबविलेल्या उपक्रमांमुळे सामाजिक-आर्थिक स्तरावर सकारात्मक परिणाम घडविण्यावर कंपनीचा भर आहे. “Child to Community” या दृष्टिकोनावर आधारित आरोग्य व शिक्षण क्षेत्रातील सर्वसमावेशक उपक्रमांद्वारे दीर्घकालीन सामाजिक लाभ निर्माण करण्याचे उद्दिष्ट कंपनी ठेवते.
